सुनचाँदीको मूल्य बढ्यो , हेर्नुस् नयाँ भाउ कति पुग्यो

काठमाडौं । नेपाली बजारमा आज सुनचाँदीको मूल्य बढेको छ । नेपाल सुनचाँदी व्यवसायी महासंघका अनुसार बुधबार सुन प्रतितोला १ हजार ३ सय रुपैयाँले बढेर २ लाख २३ हजारमा कारोबार भइरहेको छ ।

मंगलबार प्रतितोला २ लाख २१ हजार ७ सय रुपैयाँमा कारोबार भइरहेको सुनको मूल्य बुधबार बढेको हो ।

यस्तै, चाँदीको मूल्य पनि तोलामा २० रुपैयाँले वृद्धि भएको छ । मंगलबार प्रतितोला २ हजार ६८० रुपैयाँमा कारोबार भएको चाँदी आज २ हजार ७ सय रुपैयाँमा कारोबार भइरहेको महासंघले जनाएको छ ।